«Հայաստանում եվրոպական դպրոց հիմնադրամը» կազմակերպեց երկու փուլից բաղկացած միջոցառում՝ «Անգլերենի մրցույթ 2025»

1-ին փուլ՝ Գրավորաշխատանք — նոյեմբերի 7
2-րդ փուլ՝ Հանրային խոսք — նոյեմբերի 28

Մրցույթի շրջանակում 6–9-րդ դասարանների սովորողները մրցեցին երկու տարբեր անվանակարգերում․

• 6–7-րդ դասարաններ․ գրել կարճ պատմվածք՝ տրված նախաբանի հիման վրա և ներկայացնել։
  
• 8–9-րդ դասարաններ․ գրել թեմատիկ էսսե և ներկայացնել։
  
  

Սովորողների պատրաստվածությունը խթանելու նպատակով կազմակերպվել էր վերապատրաստման երկու դասընթաց, ինչը հնարավորություն տվեցին մասնակիցներին՝ զարգացնելու իրենց գրավոր և բանավոր խոսքի հմտությունները։

Միջոցառման ընթացքում զարգացան IB սովորողի պրոֆիլի մի շարք հատկանիշներ՝

• • Thinker (Մտածող) – վերլուծեցին հարցերը և առաջարկեցին տրամաբանական պատմություններ/դիտարկումներ,
  • Communicator (Հաղորդակցվող) – պատմություններում և էսսեներում հստակ արտահայտեցին իրենց գաղափարները,
  • Principled (Արժեհամակարգի կրողներ) – ցուցաբերեցին ազնվություն, պատասխանատվություն և հարգանք,
  • Inquirer (Հետազոտող) – դիտարկեցին յուրաքանչյուր հարց հետաքրքրությամբ և բաց մտածողությամբ։
  • Risk taker (Խիզախ) – հանրության առաջ ներկայացրին իրենց պատմություններն ու էսսեները

Մրցույթին մասնակցեցին սովորողներ «Հայաստանում եվրոպական վարժարան  հիմնադրամից», «Ավետիսյան դպրոցից», «Մխիթար Սեբաստացի կրթահամալիրից», «Ուսմունք դպրոցից» և «Ալեքսանդր Պուշկինի անվան № 8  դպրոցից»։

«Հայաստանում եվրոպական վարժարան  հիմնադրամը», «Ալեքսանդր Պուշկինի անվան № 8  դպրոցը» և «Ուսմունք դպրոցը» հանդես եկան լավագույն արդյունքներով՝ ցուցադրելով բարձր՝ գրավոր, ստեղծագործական և հանրային խոսքի հմտություններ։

Շնորհակալություն ենք հայտնում բոլոր դպրոցներին ակտիվ մասնակցության համար և շնորհավորում ենք մեր հաղթողներին։ Նման միջոցառումները մեկ անգամ ևս հաստատում են մեր առաքելությունը՝ ձևավորել մտածող, գիտելիքով զինված և միջազգային մտածողությամբ սովորողներ, որոնք պատրաստ են նշանակալի ներդրում ունենալ իրենց համայնքներում։