Հայախաղ
«Հայախաղ» մրցույթը ամենամյա մրցույթ է, որում ինտեգրված են բազմաթիվ առարկաներ։ Այն անցկացվում է դպրոցում 7-9-րդ դասարանների սովորողների համար: Այս յուրահատուկ մրցույթը խրախուսում է մասնակիցներին ուսումնասիրել և ցուցադրել իրենց գիտելիքները ութ տարբեր ոլորտներում՝ խթանելով երիտասարդ սովորողների ինտելեկտուալ հետաքրքրասիրությունը և մշակութային իրազեկվածությունը:
«Հայախաղ» մրցույթի առաջնային նպատակներն են՝
- սովորեցնել կարևորել կրթությունը,
- խրախուսել սովորողներին ավելի խորը պատկերացում կազմել թեմաների լայն շրջանակի մասին՝ խթանելով հետաքրքրասիրությունն ու ակադեմիական աճը,
- իրազեկել մշակութային և պատմական բնագավառների մասին,
- ամրապնդել սովորողների կապը հայկական ժառանգության և ինքնության հետ,
- տարբեր մարտահրավերների միջոցով զարգացել խդիրների լուծման հմտություններ և ստեղծագործական մտածողություն,
- ձևավորել թիմային աշխատանքի և առաջնորդության ունակություններ ինտեգրված ուսուցման շրջանակում և մրցակցային միջավայրում,
- բացահայտել սովորողների հետաքրքրություններն ու տաղանդը՝ ներառելով թեմաների լայն շրջանակ:
