Այս նախաձեռնության նպատակն է սևեռել սովորողների ուշադրությունը ակադեմիական գիտելիքների կարևորության և հայագիտության ոլորտում հիմնարար պաշարի կուտակման վրա: Սա ոչ միայն նպաստում է հայրենասիրության ամրապնդմանը, այլև զարգացնում է ինքնակառավարման, մտավոր, սոցիալական և քննադատական մտածողության հմտությունները:

Միջոցառումը միտված է հետևյալ Ուսումնառության հմտությունների (ATL Skills) զարգացմանը.

1. Մտածողության հմտություններ

• Ենթահմտություն՝ Քննադատական մտածողություն Սովորողները վերլուծում և մեկնաբանում են Հայաստանի պատմությանը, մշակույթին և հասարակությանը վերաբերող տեղեկատվությունը՝ բարդ հարցերին պատասխանելու և ինտելեկտուալ խնդիրներ լուծելու համար:

2. Հետազոտական հմտություններ

• Ենթահմտություն՝ Մեդիագրագիտություն Օգտագործելով վստահելի աղբյուրներ և նախնական գիտելիքներ՝ սովորողները հետազոտում են հայկական ժառանգության, ավանդույթների և ինքնության տարբեր կողմերը՝ ձևավորելով տեղեկատվության հետ աշխատելու գրագետ մոտեցում:

Միջոցառումը արտացոլեց IB Ուսանողի Պրոֆիլի մի շարք կարևոր հատկանիշներ`

• Բաց մտածողություն ունեցողներ (Open-Minded) – Արժևորում են սեփական մշակույթն ու անհատական պատմությունը, ինչպես նաև այլոց արժեքներն ու ավանդույթները. ձգտում են դիտարկել և գնահատել տարբեր տեսակետներ ու պատրաստ են զարգանալ՝ հիմնվելով այդ փորձի վրա:
• Գիտակներ (Knowledgeable) – Ուսումնասիրում են հասկացություններ, գաղափարներ և խնդիրներ տարբեր գիտակարգերում՝ ներգրավվելով տեղական և համաշխարհային նշանակություն ունեցող կարևոր թեմաների մեջ:
• Հաղորդակիցներ (Communicators) -Վստահորեն և ստեղծագործաբար արտահայտում են իրենց գաղափարները՝ կիրառելով մի քանի լեզուներ և հաղորդակցման բազմազան միջոցներ։ Արդյունավետ համագործակցում են՝ ուշադիր լսելով և գնահատելով այլ անհատների ու խմբերի տեսակետները։
• Ինքնավերլուծողներ (Reflective) – Խորությամբ մտածում են աշխարհի, սեփական գաղափարների և փորձի շուրջ,  աշխատում են հասկանալ իրենց ուժեղ և թույլ կողմերը՝ սեփական ուսումնառությունն ու անհատական զարգացումը խթանելու համար:
• Բաց մտածողություն ունեցողներ (Open-Minded) – Արժևորում են սեփական մշակույթն ու անհատական պատմությունը, ինչպես նաև այլոց արժեքներն ու ավանդույթները. ձգտում են դիտարկել և գնահատել տարբեր տեսակետներ ու պատրաստ են զարգանալ՝ հիմնվելով այդ փորձի վրա: