2026թ․ փետրվարի 13-ին միջին դպրոցում կայացավ «Բարբառների ներկայացում» մրցույթ-միջոցառումը, որն անցկացվեց «Մայրենիի շաբաթ» նախաձեռնության շրջանակում։ Միջոցառումը նպատակ ուներ արժևորելու հայերենի բարբառների հարստությունը՝ դրանք ներկայացնելով մշակույթի, խոհանոցի, տարազի և ազգային ավանդույթների համատեքստում։

Հայերենի բարբառները մեր լեզվի կենսունակ արտահայտությունն են։ Դրանք ձևավորվել են տարբեր տարածաշրջաններում՝ կրելով տվյալ վայրի պատմական, աշխարհագրական և մշակութային առանձնահատկությունները։ Այս գաղափարով էլ մրցույթը կառուցված էր ոչ միայն որպես ներկայացում, այլև որպես խորքային հետազոտական աշխատանք։

Վիճակահանության միջոցով յուրաքանչյուր դասարան ստացավ մեկ բարբառ։ Սովորողները ուսումնասիրեցին տվյալ տարածաշրջանի՝

• մշակութային ժառանգությունը,
• պատմական առանձնահատկությունները,
• աշխարհագրական դիրքը,
• ազգային տարազը և դրա առանձնահատկությունները։

Նրանք պատրաստեցին բովանդակալից բուկլետներ, որտեղ ներառված էին քարտեզներ, տարազների նկարագրություններ և հետաքրքիր փաստեր տարածաշրջանի մասին։

Յուրաքանչյուր դասարան պատրաստել էր տվյալ տարածաշրջանին բնորոշ որևէ ուտեստ։

Միջոցառումը մրցութային էր, հաղթեց 6/1 դասարանը։

Շնորհավորում ու շնորհակալություն ենք հայտնում մասնակիցներին։

Միջոցառումը արտացոլեց IB Ուսանողի Պրոֆիլի մի շարք կարևոր հատկանիշներ`

• Բաց մտածողություն ունեցողներ (Open-Minded) – Արժևորում են սեփական մշակույթն ու անհատական պատմությունը, ինչպես նաև այլոց արժեքներն ու ավանդույթները. ձգտում են դիտարկել և գնահատել տարբեր տեսակետներ ու պատրաստ են զարգանալ՝ հիմնվելով այդ փորձի վրա:
• Հոգատարներ (Caring) – Ցուցաբերում են կարեկցանք, գթասրտություն և հարգանք, ունեն հանրությանը ծառայելու նվիրվածություն և գործում են՝ դրական փոփոխություններ բերելով  այլոց կյանք և շրջակա աշխարհ:
• Հետազոտողներ (Inquirers) – Նրանք բավարարում են իրենց հետաքրքրասիրությունը՝ զարգացնելով հետազոտական մտածողությունը և տեղեկատվության որոնման հմտությունները։ Այս գործընթացը ձևավորում է ուսումնառության հանդեպ սեր և գիտելիքի անընդհատ ձգտում, որը ուղեկցում է նրանց ողջ կյանքի ընթացքում։
• Գիտակներ (Knowledgeable) – Ուսումնասիրում են հասկացություններ, գաղափարներ և խնդիրներ տարբեր գիտակարգերում՝ ներգրավվելով տեղական և համաշխարհային նշանակություն ունեցող կարևոր թեմաների մեջ: