Եվրոպական դպրոցը մեծ ուշադրություն է դարձնում դպրոցների միջև համագործակցությանը և այնպիսի հարթակների ստեղծմանը, որոնք խթանում են սովորողների ինտելեկտուալ աճը։ Այսպիսի նախաձեռնությունները համապատասխանում են մեր՝ հետազոտության վրա հիմնված կրթության և քննադատական մտածողության զարգացման առաքելությանը։

2025 թվականի նոյեմբերի 22-ին Եվրոպական դպրոցը, «One Voice» անկախ դպրոցների ասոցիացիայի հետ գործընկերությամբ, կազմակերպեց «Ի՞նչ, Որտե՞ղ, Ե՞րբ» միջդպրոցական ինտելեկտուալ մրցույթը, որտեղ մասնակցում էին Երեւանի տասներեք դպրոցների թիմեր։ Միջոցառումը ստեղծեց աշխույժ և աջակցող միջավայր, որտեղ սովորողները կիրառեցին տրամաբանական մտածողություն, թիմային աշխատանք և արդյունավետ հաղորդակցություն։

Մրցույթը վարում էր «KhoranArd» ինտելեկտուալ կենտրոնի ղեկավար Սեյրան Մարտիրոսյանը, ում մասնակցությունը նպաստեց միջոցառման որակին և մասնագիտական մոտեցմանը։

IB Ուսանողի Պրոֆիլի հատկանիշների զարգացում

Մրցույթի ընթացքում սովորողները զարգացրին մի շարք կարևոր հատկանիշներ․

• Thinker (Մտածող) – վերլուծեցին հարցերը և կառուցեցին հիմնավորված պատասխաններ,
• Communicator (Հաղորդակից) – հստակ արտահայտեցին իրենց միտքերը թիմերում,
• Principled (Արժեհամակարգով առաջնորդվող) – ցուցաբերեցին ազնվություն, պատասխանատվություն և կանոնների պահպանում,
• Inquirer (Հետազոտող) – մոտեցան յուրաքանչյուր հարցին հետաքրքրությամբ և բաց մտածողությամբ։

Global Bridge, Արտաշես Շահինյանի անվան ֆիզմաթ դպրոցը և «Արեգնազան» կրթահամալիրը ներկայացնող թիմերը արժանացան լավագույն արդյունքներին՝ ցուցադրելով համագործակցության և քննադատական մտածողության բարձր մակարդակ։

Շնորհակալություն ենք հայտնում բոլոր դպրոցներին իրենց ակտիվ մասնակցության համար և շնորհավորում ենք հաղթողներին։ Այս միջոցառումները ևս մեկ անգամ հաստատում են մեր տեսլականը՝ զարգացնել մտածող, գիտելիքով հարստացած և միջազգային մտածողություն ունեցող սովորողներ, ովքեր պատրաստ են դրական ազդեցություն ունենալ իրենց համայնքների վրա։