Եվրոպական դպրոցում կայացավ «Visions and Voices» (Տեսիլքներ և ձայներ) խորագրով միջառարկայական մակրո-ցուցահանդեսը։ Միջոցառման նպատակն էր խթանել ապագա առաջնորդների և ցմահ սովորողների (lifelong learners) ձևավորումը՝ սերմանելով համամարդկային ու ազգային արժեքներ և կարևորելով ստեղծագործականությունն ու նորարարությունը։

Արվեստը՝ որպես հետազոտության և ինքնարտահայտման լեզու

Ծրագիրը միտված էր սովորողների նախաձեռնողականության և ստեղծագործական հետազոտության խթանմանը։ Հնարավորություն ընձեռվեց արտահայտելու հայեցակարգային ընկալումները արվեստի տարբեր ձևերի միջոցով՝ տեսողական, երաժշտական, դրամատիկական և թվային՝ միաժամանակ ստեղծելով իմաստալից կապեր տարբեր առարկայական ոլորտների միջև։ Իրենց ստեղծագործությունների և ներկայացումների միջոցով սովորողները փաստեցին, որ արվեստը ծառայում է որպես ունիվերսալ լեզու, որը հաղորդում է գիտական միտք, մաթեմատիկական օրինաչափություններ, սոցիալական գաղափարներ և անհատական ինքնություն։

Այս ցուցահանդեսը լիովին համապատասխանում է հաղորդակցվող, մտածող և հետազոտող անհատներ ձևավորելու առաքելությանը, ովքեր ունակ են գործելու իմաստալից և վերլուծական ինքնարտահայտման միջոցով։ Այն ստեղծեց գեներատիվ տարածք երկխոսության և անդրադարձի (reflection) համար՝ քաջալերելով դիտարկել գեղարվեստական ընտրության ազդեցությունն ու համապատասխանությունը լսարանի հետ հաղորդակցվելիս։

Գարնանային ձոն և երախտագիտություն. Ապրիլի 7

Միջոցառման շրջանակներում առանձնահատուկ նշանակություն ստացավ Ապրիլի 7-ը՝ Մայրության և գեղեցկության տոնը։ Սովորողները գեղեցիկ կատարումներ նվիրեցին մայրիկներին՝ արժևորելով ազգային տոներն ու երախտագիտության մշակույթը։ Այս ներկայացումները հանդիսացան ստեղծագործական գործունեության և կենսական փորձառության ներդաշնակ միաձուլում, ինչը թույլ տվեց սովորողներին կապել իրենց գործողությունները զգացմունքային և մշակութային արժեքների հետ։

Միջոցառումը արտացոլեց IB Ուսանողի Պրոֆիլի մի շարք կարևոր հատկանիշներ`