5-րդ դասարանի ավարտական երեկոն շատ առանձնահատուկ իրադարձություն է: Սա մեր կրտսեր դպրոցի սովորողների վերջին մեծ նախագիծն է նախքան միջին դպրոց տեղափոխվելը:

Այս տարվա թեման է՝ «Ի վերջո, սա փոքր աշխարհ է»: Մեր սովորողներն իրենք են ընտրում համաշխարհային կարևոր խնդիրներ, որոնք առկա են նաև մեր համայնքում: Նրանք աշխատում են միասին, ուսումնասիրում են այդ թեմաները և ապացուցում, որ մեր փոքրիկ քայլերը կարող են դրականորեն փոխել ողջ աշխարհը:

Դասավանդողները միայն օգնում և աջակցում են երեխաներին, բայց բոլոր կարևոր որոշումները կայացնում են հենց սովորողները: Նրանք պլանավորում են, մտածում և որոշում, թե ինչպես ներկայացնել իրենց սովորածը:

Այս նախագծի ընթացքում երեխաները շատ բան են սովորում.

• Նրանք սկսում են ավելի ճիշտ մտածել և լուծումներ գտնել:

• Դառնում են ավելի հոգատար, խելացի և պատասխանատու:

• Սովորում են հասկանալ և հարգել տարբեր մարդկանց ու մշակույթներ:

Այս ավարտական շնորհանդեսը պարզապես ելույթ չէ: Մեր սովորողները ոչ միայն խոսում են խնդիրների մասին, այլև գտնում են իրական լուծումներ ու սկսում են գործել:

Այս իրադարձությունը ցույց է տալիս մեր դպրոցի գլխավոր նպատակը՝ կրթել բարի և խելացի առաջնորդներ, ովքեր կօգնեն կառուցել ավելի լավ և խաղաղ աշխարհ:

Այս փորձառության միջոցով աշակերտները դրսևորեցին IB սովորողի պրոֆիլի (Learner Profile)հիմնական հատկանիշներն ու հմտությունները՝

• Հետազոտողներ (Inquirers) – Նրանք բավարարում են իրենց հետաքրքրասիրությունը՝ զարգացնելով հետազոտական մտածողությունը և տեղեկատվության որոնման հմտությունները։ Այս գործընթացը ձևավորում է ուսումնառության հանդեպ սեր և գիտելիքի անընդհատ ձգտում, որը ուղեկցում է նրանց ողջ կյանքի ընթացքում։
• Գիտակներ (Knowledgeable) – Ուսումնասիրում են հասկացություններ, գաղափարներ և խնդիրներ տարբեր գիտակարգերում՝ ներգրավվելով տեղական և համաշխարհային նշանակություն ունեցող կարևոր թեմաների մեջ:
• Մտածողներ (Thinkers) – Կիրառում են քննադատական և ստեղծագործական մտածողության հմտություններ՝ խնդիրները վերլուծելու և հիմնավորված ու էթիկական որոշումներ կայացնելու համար:
• Հավասարակշռվածներ (Balanced) – Գիտակցում են կյանքի տարբեր կողմերի՝ մտավոր, ֆիզիկական և հուզական հավասարակշռության կարևորությունը սեփական և այլոց բարօրությանը հասնելու համար, ընդունում են իրենց փոխկապակցվածությունը մարդկանց և այն աշխարհի հետ, որտեղ ապրում են:
• Ինքնավերլուծողներ (Reflective) – Խորությամբ մտածում են աշխարհի, սեփական գաղափարների և փորձի շուրջ,  աշխատում են հասկանալ իրենց ուժեղ և թույլ կողմերը՝ սեփական ուսումնառությունն ու անհատական զարգացումը խթանելու համար:
• Բաց մտածողություն ունեցողներ (Open-Minded) – Արժևորում են սեփական մշակույթն ու անհատական պատմությունը, ինչպես նաև այլոց արժեքներն ու ավանդույթները. ձգտում են դիտարկել և գնահատել տարբեր տեսակետներ ու պատրաստ են զարգանալ՝ հիմնվելով այդ փորձի վրա: